Վաղարշապատ համայնքի ղեկավարի պաշտոնակատար Արգիշտի Մեխակյանը շրջայց կատարեց Արամ Մանուկյան թաղամասում։
Ղեկավարը զրուցեց բնակիչների հետ, լսեց նրանց խնդիրներն ու առաջարկները։ Քննարկվեցին համայնքային ենթակառուցվածքների բարելավման, տարածքի բարեկարգման և առօրյա կյանքի որակի բարձրացման հետ կապված հարցեր։
Համայնքի յուրաքանչյուր թաղամասի զարգացումն առաջնահերթություն է և այդ նպատակով համայնքապետարանը շարունակելու է իր աշխատանքները՝ քայլ առ քայլ լուծելով բնակիչների կողմից բարձրաձայնված խնդիրները։