Վաղարշապատ համայնքի ղեկավարի պաշտոնակատար Արգիշտի Մեխակյանը հանդիպում ունեցավ «Էջմիածին» բժշկական կենտրոնի աշխատակիցների հետ։ Հանդիպման ընթացքում քննարկվեցին ոչ միայն առողջապահական ոլորտում առկա խնդիրները և դրանց լուծման ուղիները, այլև համայնքապետարանի կողմից ցուցաբերվող աջակցության հնարավորությունները։ Զրույցի ընթացքում աշխատակիցները բարձրաձայնեցին նաև առօրյա խնդիրներ, որոնք վերաբերում էին ենթակառուցվածքների բարելավմանը, աղբահեռացման համակարգին, առաջիկա ծրագրերի իրականացմանը և մի շարք այլ հարցերի։ Շնորհակալություն բժշկական կենտրոնի աշխատակիցներին՝ նվիրված աշխատանքի և մեր բնակիչների առողջության պահպանման գործում իրենց անգնահատելի ներդրման համար։

Լուսանկարներ