Այսօր Երևանում անցկացվեց միջազգային համաժողով՝ նվիրված Հայաստանում LEADER մեթոդաբանության միջոցով տարածքային զարգացման հնարավորություններին։ Համաժողովը կազմակերպվել էր «ԵՄ LEAD» ծրագրի շրջանակում։ Միջոցառմանը մասնակցեցին Հայաստանի տարբեր մարզերի համայնքների ղեկավարներ, տեղական ինքնակառավարման մարմինների և քաղաքացիական հասարակության ներկայացուցիչներ, ինչպես նաև ԵՄ պատվիրակության, ՄԱԶԾ-ի, ՄԱԿ-ի ՊԳԿ-ի, դիվանագիտական կառույցների և միջազգային փորձագետների բարձր մակարդակի հյուրեր։ Վաղարշապատ համայնքի ղեկավարի պաշտոնակատար Արգիշտի Մեխակյանը ևս ներկա էր համաժողովին։ Քննարկումներն ուղղված էին ՏԱԽ-երի (Տեղական ակտիվ խմբերի) հնգամյա գործունեության արդյունքներին, դրանց կայունության ապահովման ուղիներին, ինչպես նաև Հայաստանում LEADER-ի մեթոդաբանության տարածմանը նոր տարածքներում։ Համաժողովի ընթացքում ներկայացվեցին ԵՄ LEAD ծրագրի արդյունքները, Հայաստանի տարածքային զարգացման ռազմավարության նախագծում LEADER-ի ներառման հնարավորությունները, ինչպես նաև Չեխիայի, Հունգարիայի, Իտալիայի և Մոլդովայի փորձառությունը։

Լուսանկարներ

Կից փաստաթուղթ