Վաղարշապատ համայնքի ղեկավարի պաշտոնակատար Արգիշտի Մեխակյանը այցելեց Վաղարշապատի համայնքապետարանի «Մանկապատանեկան մարզադպրոց» ՀՈԱԿ
SportՎաղարշապատ համայնքի ղեկավարի պաշտոնակատար Արգիշտի Մեխակյանը ոլորտային պատասխանատուների հետ միասին այցելեց Վաղարշապատի համայնքապետարանի «Մանկապատանեկան մարզադպրոց» ՀՈԱԿ։ Այցի նպատակն էր ծանոթանալ դպրոցի առօրյային, ուսումնամարզական գործընթացին, ինչպես նաև քննարկել կրթահամալիրում առկա պայմանները և զարգացման հնարավոր ուղղությունները։ Մարզադպրոցի պատասխանատուները ներկայացրել են հաստատության գործունեությունը, սովորողների թվաքանակը, մարզաձևերը և դպրոցում առկա հիմնական խնդիրները։ Արգիշտի Մեխակյանը կարևորել է համայնքում մանկապատանեկան սպորտի դերը՝ նշելով, որ առողջ և ակտիվ սերունդը համայնքի զարգացման հիմնասյուներից մեկն է։ Քննարկվել են նաև ենթակառուցվածքային և կազմակերպչական խնդիրների լուծման ուղիները, ինչպես նաև հնարավոր ծրագրերը, որոնք կնպաստեն Վաղարշապատի մարզական կյանքի աշխուժացմանը և երեխաների ներուժի առավելագույն իրացմանը։ Համայնքապետարանը շարունակելու է հետևողական աջակցություն ցուցաբերել մարզադպրոցին՝ ապահովելու համար պատանի մարզիկների լիարժեք և արդյունավետ մարզվելու պայմանները՝ ստեղծելով անվտանգ, ժամանակակից և մրցունակ մարզական միջավայր։
Photos
