Միջոցառում՝ նվիրված Ֆրանսիայի Հայ Երիտասարդաց Միության՝ ԺԱՖ-ի հիմնադրման 80-ամյակին
CultureՀուլիսի 29-ին, Էջմիածնի Կոմիտասի անվան Մշակույթի պալատի դահլիճում կայացավ մի յուրահատուկ մշակութային իրադարձություն՝ նվիրված Ֆրանսիայի Հայ Երիտասարդաց Միության՝ ԺԱՖ-ի հիմնադրման 80-ամյակին։ ԺԱՖ-ը, որը հիմնադրվել է 1945 թվականին Միսաք Մանուշյանի զինակից ընկերների կողմից, արդեն ութ տասնամյակ է, ինչ նվիրվածությամբ ծառայում է հայ ինքնության պահպանմանն ու մշակութային ժառանգության սերնդեսերունդ փոխանցմանը՝ սփյուռքում հանդիսանալով հայության համախմբման մի հզոր ոգեղեն օջախ։ Հոբելյանական միջոցառումը կազմակերպվել էր «ԲԱՐՁՈՒՆՔ 5165» ֆրանսահայ մարդասիրական կազմակերպության կողմից՝ Վաղարշապատի համայնքապետարանի աջակցությամբ, ի դեմս համայնքի ղեկավարի պաշտոնակատար Արգիշտի Մեխակյանի։ Ներկայացումը ոչ միայն բարձրարժեք մշակութային արտահայտություն էր, այլև խորապես հուզիչ ու խորհրդանշական պահ՝ սփյուռքահայության և հայրենիքի փոխկապվածության ամրապնդման տեսանկյունից։ Միջոցառման մթնոլորտը լի էր ջերմությամբ, մշակութային հպարտությամբ և հոգևոր բարձրությամբ։ Միջոցառմանը ներկա էին ՀՀ Արմավիրի մարզպետի պաշտոնակատար Բարսեղ Նիկողոսյանը, Վաղարշապատի համայնքի ղեկավարի պաշտոնակատար Արգիշտի Մեխակյանը, ԺԱՖ-ի անդամներն ու ներկայացուցիչները, հյուրեր սփյուռքից, համայնքի բնակիչներ, ինչպես նաև բազմաթիվ արվեստասերներ։ Հայ մշակույթը շարունակվում է այնտեղ, որտեղ ապրում է նրա հոգին։
Photos
