Վաղարշապատի համայնքապետարանի եւ «Մեր տունը» սոցիալական հասարակական կազմակերպության միջեւ կնքվեց հուշագիր
Արտաքին կապերՀամայնքի ղեկավար Դիանա Գասպարյանը եւ «Մեր տունը»
սոցիալական հասարակական կազմակերպության հիմնադիր նախագահ Տիգրանուհի Կարապետյանը կնքեցին հուշագիր, որի նպատակն է ապահովել համագործակցության առավել ընդլայնված շրջանակ: Հուշագիրը միտված է օժանդակել մանկատան շրջանավարտ աղջիկների, ինչպես նաեւ խոցելի խմբերի ընտանիքների երեխաների իրավունքների պաշտպանությանը, կրթության ապահովմանը, նրանց՝ հասարակությանը ինտեգրելուն ուղղված ծրագրերին:
Համայնքապետարանի եւ «Մեր տունը» ՀԿ-ի համագործակցությունն ունի երկարամյա ջերմ պատմություն, եւ հուշագրի ստորագրումը մեկ քայլ առաջ է՝ առավել սերտացնելու կողմերի միջեւ փոխգործակցությունը եւ ապահովելու համատեղ նախաձեռնությունների շարունակականությունը:
«Մեր տունը» սոցիալական ՀԿ-ն հիմնադրվել է 2006 թվականին՝ մանկատան շրջանավարտ աղջիկների կարիքները հոգալու համար: Այստեղ աղջիկները ապաստանում են, հնարավորություն ստանում ուսանելու, մասնագիտանալու տարբեր բնագավառներում, աշխատելու եւ ձեւավորելու իրենց ճանապարհը որպես անհատականություններ:
Լուսանկարներ
