Կյանքից հեռացել է ՀՀ վաստակավոր մարզիչ, «Էջմիածին քաղաքի պատվավոր քաղաքացի» Մկրտիչ Չիրքինյանը:

Այլ
26.01.2023

Մկրտիչ Չիրքինյանը մեր համայնքի երեւելի եւ ականավոր անհատներից էր, որի անունը ոսկե տառերով է գրված Էջմիածնի եւ Հայաստանի սպորտային կյանքում:
Մկրտիչ Չիրքինյանը Էջմիածնում հունահռոմեական ոճի ըմբշամարտի հիմնադիրն է, Աշխարհի ու Եվրոպայի բազմաթիվ չեմպիոնների մարզիչ։
-----------------
1959 թվականին ճանաչվել է ԽՍՀՄ սպորտի վարպետ:
1963 թվականին Էջմիածին քաղաքում հիմնել է հունա-հռոմեական ըմշամարտի դպրոց եւ դարձել այս սպորտաձեւի հիմնադիրը քաղաքում:
1997 թվականին հոկտեմբերի 23-ին արժանացել է «Էջմիածին քաղաքի պատվավոր քաղաքացի» կոչման:
2002 թվականին ստացել է ՀՀ Ֆիզիկական կուլտուրայի եւ սպորտի վաստակավոր աշխատողի կոչում:
2002 թվականին դեկտեմբերի 27-ին արժանացել է Ֆիզիկական կուլտուրայի եւ սպորտի զարգացման գործում ունեցած նշանակալի ներդրման համար հանրապետության նախագահի շնորհակալագրի:
1969-1985 թթ. եղել է Հանրապետության հավաքականի մարզիչ:
-----------------
2022 թվականի նոյեմբերին մեծ շուքով նշվեց նրա մարզչական գործունեության 60-ամյակը:
Ֆիզիկական կուլտուրայի եւ սպորտի զարգացման գործում ունեցած նշանակալի ավանդի համար Մկրտիչ Չիրքինյանն արժանացավ ՀՀ ԿԳՄՍ նախարարության պատվոգրի:
Համայնքի ղեկավարի կողմից պարգեւատրվեց շնորհակալագրով ու անվանական մեդալով՝ երկարամյա ակնառու գործունեության, սպորտի զարգացման եւ մասսայականացման գործում ունեցած անուրանալի ավանդի համար:
Նրա անունն է կրում Վաղարշապատի մանկապատանեկան մարզադպրոցի ըմբշամարտի դահլիճը:
Մկրտիչ Չիրքինյանն 84 տարեկան էր:

Նորություններ