Տարեսկզբից մեկնարկած սոցիալական աջակցության ծրագրի շրջանակում Վաղարշապատ համայնքի (Էջմիածին եւ Ոսկեհատ բնակավայրեր) սոցիալական ֆոնդից նոյեմբերի մեկի դրությամբ ֆինանսական աջակցություն է տրամադրվել 292 ընտանիքի, առավելապես՝
Առողջապահական նկատառումներով տրամադրվել է թվով 127 օգնություն, սոցիալապես խոցելի ընտանիքներին՝ 109: Սոցիալական աջակցության ոլորտներում ներառված են նաեւ՝
• Թոշակառուները
• Նպաստառուները
• Միայնակ տարեց քաղաքացիները
• Հաշմանդամություն ունեցող անձինք
• Բազմազավակ ընտանիքիները
• Ուսանողները

Հասարակական կազմակերպությունների հետ համագործակցության արդյունքում բազմաթիվ ընտանիքների հատկացվել է նյութական աջակցություն, այդ թվում՝
Հայկական Կարմիր խաչի ընկերության հետ համագործակցության արդյունքում 44-օրյա պատերազմի եւ 2022 թվականի սեպտեմբերին սանձազերծված ագրեսիայի հետեւանքով տեղահանված եւ մեր համայնքում ապաստանած ընտանիքներին շարունակաբար տրամադրվում է պարենային եւ տնտեսական ապրանքների աջակցություն:
40 միայնակ տարեց քաղաքացի անընդմեջ ստանում է սնունդ եւ տնտեսական պարագաներ:
«Շողիկ» Հայկական բարեգործական հասարակական կազմակերպության հետ համագործակցությամբ սոցիալապես խոցելի 5 ընտանիքի տարամադրվել է մեծ քանակությամբ մթերային պաշար:
44-օրյա պատերազմի հետեւանքով հաշմանդամություն ձեռք բերած երկու քաղաքացու տրամադրվել է քայլասայլակ:
«Հանուն ժողովրդի բարեկեցության» մարդասիրական եւ տնտեսական զարգացման ՀԿ-ի հետ համագործակցությամբ նպաստառու 35 ընտանիքիների դպրոցահասակ երեխաների (1-4-րդ դասարանների) տրամադրվել է գրենական պիտույքներ:
«Օգնենք հայ մանուկներին» Հասարակական կազմակերպության հետ համատեղ անցկացվում են անգլերենի դասընթացներ՝ սոցիալապես խոցելի ընտանիքների երեխաների համար:
Մայր Աթոռի հետ համագործակցության արդյունքում ավելի քան 30 ընտանիք օգտվում է Մայր Աթոռի անվճար բարեգործական ճաշարանից:
Անհատ բարերար Հակոբ Գեւորգյանի միջոցներով սնունդ եւ հագուստ է տրամադրվել 12 ընտանիքի:

Կարեւորելով նաեւ մեր համայնքում երիտասարդների դերի ակտիվացումը եւ նպաստելով մեր համայնքի տաղանդաշատ անհատների բացահայտմանը՝ համայնքապետարանի ֆինանսավորմամբ տպագրվել է տաղանդավոր երիտասարդ գրող Արտյոմ Առուստամյանի «Թաթուլ Վանանդեցի» պատմավեպը:
Հաշմանդամություն ունեցող երեխաների համար կազմակերպվել է ուխտագնացություն Լոռվա մարզ՝ Հաղպատ, Սանահին եւ Օձուն:

Հիշեցնենք, որ նշված տվյալները ներառում են 2022 թվականի հունվարի 3-ից նոյեմբերի 1-ն ընդգրկող ժամանակահատվածը:

Լուսանկարներ