Աշխատանքային այցով Արմավիրի մարզում էր փոխվարչապետ Համբարձում Մաթեւոսյանը
ԲարեկարգումՆախօրեին Արմավիրի մարզ կատարած աշխատանքային այցի ընթացքում փոխվարչապետ Համբարձում Մաթեւոսյանը հետեւել է պետություն-համայնք համաֆինանսավորմամբ իրականացվող սուբվենցիոն ծրագրերի եւ պետական բյուջեի միջոցներով իրականացվող աշխատանքների ընթացքին։
Այցի ընթացքում փոխվարչապետին ուղեկցել են Արմավիրի մարզպետ Էդվարդ Հովհաննիսյանը եւ համայնքի ղեկավար Դիանա Գասպարյանը:
Փոխվարչապետը ծանոթացել է Տիգրան Մեծ եւ Գրիգոր Լուսավորիչ փողոցներում ընթացող մայթերի հիմնանորոգման աշխատանքներին: Համայնքի ղեկավարը փոխվարչապետին ներկայացրել է նաեւ սուբվենցիոն ծրագրերով եւ պետական բյուջեի միջոցներով համայնքում իրականացվող մյուս ծրագրերի կատարման ընթացքը:
Շրջայց է կատարվել նաեւ Երվանդ Օտյանի անվան թիվ 7 հիմնական դպրոցում ընթացող նոր մարզադահլիճի կառուցման շինհրապարակում:
Լուսանկարներ
