Մահացել է Էջմիածնի պատվավոր քաղաքացի Նաիրա Եղիազարյանը

Այլ
19.09.2022

Խորը ցավով տեղեկացնում ենք, որ մահացել է անվանի բժիշկ, Էջմիածնի պատվավոր քաղաքացի Նաիրա Եղիազարյանը։
Տիկին Եղիազարյանը մեր համայնքի բազմավաստակ եւ մեծահարգ տիկնանցից էր, ով շուրջ 35 տարի ձգվող աշխատանքային գործունեության ընթացքում իր անգնահատելի դերն է ունեցել բժշկության ոլորտի զարգացման գործում։
1987 թվականից աշխատում էր «Վաղարշապատի հիվանդանոց» ՊՓԲԸ սրտաբանական բաժանմունքում որպես բժիշկ-սրտաբան։ 2014 թվականից սրտաբանական բաժանմունքի վարիչն էր:
Իր մեծարժեք ավանդի եւ անձնվեր աշխատանքի համար արժանացել է Վաղարշապատի համայնքապետարանի եւ Առողջապահության նախարարության պատվոգրերի։
2011 թվականին պարգեւատրվել է «Էջմիածին քաղաքի բարեկամ» շքանշանով։
2015 թվականին արժանացել է «Էջմիածին քաղաքի պատվավոր քաղաքացի» կոչման:
Տիկին Եղիազարյանը 60 տարեկան էր։
Մեր խորին ցավակցությունն ենք հայտնում ընտանիքի անդամներին եւ հարազատներին։

Նորություններ