Վաղարշապատի մանկապատանեկան մարզադպրոցի սան Սուրեն Աղաջանյանն Աշխարհի փոխչեմպիոն է

Սպորտ
21.08.2022

Բուլղարիայի մայրաքաղաք Սոֆիայում ընթացող հունահռոմեական ոճի ըմբշամարտի Աշխարհի առաջնության 60 կգ քաշային կարգի եզրափակիչ գոտեմարտում Վաղարշապատի մանկապատանեկան մարզադպրոցի սան Սուրեն Աղաջանյանը լրացուցիչ ցուցանիշներով (6։6) զիջեց իրանցի ըմբիշ Սաիդ Էսմաիլի Լեիվեսին` հռչակվելով Աշխարհի փոխչեմպիոն:
—————————
Սուրենը պայքարը սկսեց 1/8 եզրափակիչից, որտեղ պարտության մատնեց Ղազախստանի ներկայացուցիչ Բակիթժան Կաբդիլին (4-0), 1/4 եզրափակչում մեր սանը փայլուն հաղթանակ տարավ թուրք ըմբիշ Մերտ Իլբարսի նկատմամբ (16-7)` վերջինիս դուրս թողնելով ոսկու համար մրցապայքարից, իսկ կիսաեզրափակչում հաղթեց Հնդկաստանի ներկայացուցիչ Սումիթ Սումիթին (5-0)։
Հիշեցնենք, որ Սուրենը հունահռոմեական ոճի ըմբշամարտի Եվրոպայի երիտասարդական առաջնության չեմպիոնն է։
Շնորհակալ ենք մեր սանին եւ մարզիչներին` մեր երկրի եւ քաղաքի պատիվը կրկին բարձր պահելու, մեզ հպարտության պահեր պարգեւելու համար։

Լուսանկարներ

Նորություններ