Վաղարշապատի համայնքապետարանի, ՄԱԿ-ի մանկական հիմնադրամի (ՅՈՒՆԻՍԵՖ), Գյումրու «Երիտասարդական նախաձեռնությունների կենտրոն» ՀԿ-ի եւ Ճապոնիայի դեսպանատան համագործակցությամբ` այսօր Էջմիածնում տեղի ունեցավ «Էջմիածնի երիտասարդների տուն» երիտասարդական կենտրոնի բացումը։

Երիտասարդական կենտրոնի ստեղծման նպատակն է բարձրացնել համայնքի երիտասարդների քաղաքացիական ակտիվությունը, նպաստել նրանց ներգրավվածությանը համայնքի կյանքում։
Կենտրոնում 13-18 տարեկան պատանիների համար կկազմակերպվեն տարաբնույթ դասընթացներ եւ հանդիպումներ, համագործակցության ուղիներ կստեղծվեն Հայաստանի այլ համայնքներում գործող «Բաց երիտասարդական տների» եւ կազմակերպությունների հետ:

Բացման ընթացքում համայնքի ղեկավար Դիանա Գասպարյանը, խոսելով համայնքում երիտասարդների ժամանացի եւ համայնքային կյանքի ներգրավման մասին, նշեց որ պատանիներն ու երիտասարդները մեր ապագայի հիմնասյուներ են, որոնց պետք է տալ հնարավորություններ՝ իրենց տեսլականն իրագործելու համար։ Համայնքի ղեկավարը շեշտեց նման կենտրոնի գործունեության կարեւորությունը համայնքում` շնորհակալություն հայտնելով համագործակցության համար:

Հայաստանում ՅՈՒՆԻՍԵՖ-ի գրասենյակի եւ Հայաստանում Ճապոնիայի դեսպանատան ներկայացուցիչները նշեցին երիտասարդների եւ պատանիների` հասարակության մեջ դերի, համայնքային կյանքում ակտիվ ներգրավվածություն ունենալու եւ նման կենտրոնի միջոցով իրենց հնարավորությունները արդյունավետ օգտագործելու հնարավորությունների մասին։
Գյումրու «Երիտասարդական նախաձեռնությունների կենտրոն» ՀԿ-ի նախագահ Արթուր Նաջարյանը շնորհակալություն հայտնեց ակտիվ եւ արդյունավետ համագործակցության համար` վստահություն հայտնելով, որ կենտրոնը կարադարցնի բոլոր սպասելիքները։

Կենտրոնի գործունեության ֆինանսավորումը ապագա հինգ տարիներին կկատարվի Վաղարշապատի համայնքապետարանի կողմից:
Մեր համայնքին զուգահեռ, երիտասարդական կենտրոններ են ստեղծվում Արմավիրում եւ Գավառում, արդեն իսկ գործող կենտրոններ կան Գյումրիում եւ Սպիտակում։

Լուսանկարներ

Error

Failed to load: https://ejmiatsin.am/media/CACHE/images/post/2022-07/None_2022-07-29_10-00-21-60/7c4c9669438521547ab8eef1e6be13f3.JPG,https://ejmiatsin.am/media/CACHE/images/post/2022-07/None_2022-07-29_10-00-21-60_7Hmb1Wh/2c59e12f0d1287c253ef49abddbe5027.JPG,https://ejmiatsin.am/media/CACHE/images/post/2022-07/None_2022-07-29_10-00-21-61/de17d5917917eee815174950ad20830c.JPG,https://ejmiatsin.am/media/CACHE/images/post/2022-07/None_2022-07-29_10-00-21-61/15163060c6f58791d6c99b12e5ef2e82.jpeg,https://ejmiatsin.am/media/CACHE/images/post/2022-07/None_2022-07-29_10-00-21-61_4P3oggK/3381b0aac35c12d64637685ae7d3c268.JPG,https://ejmiatsin.am/media/CACHE/images/post/2022-07/None_2022-07-29_10-00-21-61_6ULPuWQ/8d3ac7180e20ed747cb20cab26b51af2.JPG,https://ejmiatsin.am/media/CACHE/images/post/2022-07/None_2022-07-29_10-00-21-61_SrSzGOb/3e63863ed8564730d02477cc57fd1477.JPG