Կառավարության կողմից իրականացվող համայնքների տնտեսական եւ սոցիալական ենթակառուցվածքների զարգացմանն ուղղված սուբվենցիոն ծրագրի շրջանակում, մեր համայնքի կողմից 2022 թվականին ներկայացված հայտերից մեկով մեկնարկել են Ոսկեհատի մանկապարտեզի վերանորգման աշխատանքները:

Նորոգվելու են շենքի հիմնական եւ նկուղային հարկերը, փոխվելու են դռները, պատուհանները, ամրակայվելու եւ սալիկապատվելու է հատակը, անցկացվելու է ջեռուցման եւ ջրամատակարարման համակարգ, կատարվելու է ցանկապատի եւ տաղավարների տեղադրում։

Աշխատանքների ընդհանուր բյուջեն կազմում է 37 միլիոն 788 հազար ՀՀ դրամ՝ պետության 70% համաֆինանսավորմամբ:

Աշխատանքերի ավարտին բնակավայրի երեխաների համար կստեղծվեն լավագույն շենքային պայմանները՝ նախադպրոցական կրթություն ստանալու համար, ինչպես նաեւ կապահովի 15 հիմնական աշխատատեղ:

Հիշեցնենք, որ այս տարի մեր համայնքից ներկայացվել են հետեւյալ սուբվենցիոն հայտերը՝
Էջմիածին քաղաքի Տիգրան Մեծ (նախկին՝ Սպանդարյան) եւ Գրիգոր Լուսավորիչ (նախկին՝ Կամո) փողոցների մայթերի հիմնանորոգում:
Էջմիածին քաղաքի Չարենց թաղամասի հյուսիսային մասի կոյուղու (ջրահեռացման) համակարգի կառուցում:
Էջմիածին քաղաքի թիվ 14 «Ձնծաղիկ» մանկապարտեզի հիմնանորոգում եւ Ոսկեհատ գյուղի մանկապարտեզի վերանորոգում:

Լուսանկարներ