Հուշ-ցերեկույթ՝ ի հիշատակ Հայոց Ցեղասպանության զոհերի
Տոներ և հիշատակի օրերԱպրիլի 25-ին, Վաղարշապատի Զորավար Անդրանիկի անվան թիվ 12 հիմնական դպրոցում տեղի ունեցավ հուշ-ցերեկույթ` նվիրված Հայոց Ցեղասպանության 107-րդ տարելիցին։
«Հիշատակի ղողանջներ» խորագիրը կրող հուշ-ցերեկույթի ընթացքում դպրոցի սաները ներկայացրին ցեղասպանության ողջ պատմությունը՝ երգի, պարի, ասմունքի, փաստավավերագրական տեսանյութերի միջոցով:
Միջոցառմանը ներկա էին Արմավիրի մարզպետ Էդվարդ Հովհաննիսյանը, Վաղարշապատ համայնքի ղեկավար Դիանա Գասպարյանը, համայնքի կրթական ու մշակութային հաստատությունների ներկայացուցիչներ:
Միջոցառման ավարտին Արմավիրի մարզպետ Էդվարդ Հովհաննիսյանը նշեց, որ ցեղասպանությունը հայ ժողովրդի պատմության ամենացավալի էջերից մեկն է, որն անջնջելի հետք է թողել հետագա սերունդների հիշողության մեջ։ Մարզպետը շնորհակալություն հայտնեց միջոցառման կազմակերպիչներին եւ մասնակիցներին` նման բարձր մակարդակի միջոցառում կազմակերպելու եւ անմեղ զոհերի հիշատակը վառ պահելու համար։
Միջոցառման մեկնարից առաջ մարզպետն ու համայնքի ղեկավարը ծաղիկներ խոնարհեցին 44-օրյա պատերազմի ընթացքում անմահացած հերոսների հիշատակին կանգնեցված հուշարձանին։
Լուսանկարներ
