Սիրելի՛ զինվորներ, սպաներ եւ գեներալներ,
Հարգելի՛ հայրենակիցներ,
Շնորհավորում եմ բոլորիս Հայոց բանակի կազմավորման 30-ամյակի առթիվ, մաղթում խաղաղություն եւ անառիկ սահմաններ:
Այս երեք տասնամյակի ընթացքում հայկական բանակն ապացուցել է իր անփոխարինելի դերը մեր ինքնության պահպանման գործում՝ կերտելով հայրենասիրության, արիության եւ անձնազոհության բազում դրվագներ, տալով հերոս զավակներ. խոնարհումս հանուն հայրենիքի ընկած յուրաքանչյուր զինվորի պայծառ հիշատակին: Գլուխ եմ խոնարհում նրանց ծնողների, զավակների, կանանց ու հարազատների առաջ:
Մենք պետք է շարունակենք մեր նահատակ եղբայրների կիսատ թողած գործը, շենացնենք ու զորացնենք մեր հայրենիքը՝ արժանի լինելով մեր հերոս եղբայրներին:
Հայոց բանակում ծառայող մեր զինվորներն այսօր էլ շարունակում են կատարել հայրենիքի պաշտ­պանության սուրբ գործը՝ ամուր կամքով կանգնելով մեր պետության սահմաններին:
Աստծո առաջնորդությամբ, թող որ յուրաքանչյուրս մեր գործին ծառայենք խաղաղ պայմաններում:
Փա՛ռք մեր երկրին:
Փա՛ռք մեր զինված ուժերին:
Աստված պահապան բոլորիս։

Լուսանկարներ