Հանդիսավոր արարողությամբ Դիանա Գասպարյանը ստանձնեց Վաղարշապատ համայնքի ղեկավարի պաշտոնը՝ երդվելով ղեկավարի լիազորություններն իրականացնելիս պահպանել Հայաստանի Հանրապետության Սահմանադրությունը, օրենքները, համայնքի ավագանու որոշումները, ազնվորեն և բարեխղճորեն կատարել համայնքի ղեկավարի լիազորությունները, ծառայել համայնքի բարգավաճմանը, գործել ի բարօրություն նրա բնակիչների` պարտավորվելով պաշտպանել համայնքի իրավունքները, օրինական շահերը և սեփականությունը, ուժերի անմնացորդ նվիրումով սատարել ժողովրդի հավատին, նպաստել նրա նյութական և հոգևոր վերելքին։

2021 թվականի դեկտեմբերի 5-ի ընտրություններով Վաղարշապատի ավագանին ձևավորել են երեք ուժեր՝ երկու կուսակցություն և մեկ կուսակցությունների դաշինք: Մանդատները բաշխվել են ըստ հետևյալի`
«Քաղաքացիական պայմանագիր» կուսակցություն՝ 15 մանդատ,
«Էջմիածին» կուսակցությունների դաշինք՝ 10 մանդատ,
«Հայրենատէր» կուսակցություն՝ 2 մանդատ:

Լուսանկարներ