Բաղրամյան փողոցի հիմնանորոգման աշխատանքները մեկնարկում են.
Հարգելի՛ համաքաղաքացիներ,
Օգոստոսի 23-ից կմեկնարկի Բաղրամյան փողոցի հիմնանորոգումը, որն իրականացվում է 2021 թվականի սուբվենցիոն ծրագրով:
Հաշվի առնելով Բաղրամյան փողոցի ծանրաբեռնվածությունը, աշխատանքները կընթանան փուլային տարբերակով եւ փողոցը կփակվի հատվածաբար.
1-ին փուլ՝ Խորենացի փողոցից մինչեւ Բաղրամյան 16 շենք
2-րդ փուլ՝ Բաղրամյան 16 շենքից մինչեւ Բաղրամյան 22 շենք
3-րդ փուլ՝ Բաղրամյան 22 շենքից մինչեւ Սպանդարյան փողոց
Շինարարական աշխատանքների ողջ ընթացքում Թումանյան փողոցի Պատկանյան-Բաղրամյան եւ Դանղյան փողոցի միակողմանի հատվածների երթեւեկությունը կկազմակերպվի երկկողմանի:
Պատճառվող ժամանակավոր անհարմարությունների համար հայցում ենք ձեր ներողամտությունը:
———————————————————
Հիշեցնենք, որ 2021 թվականի սուբվենցիոն ծրագրով Էջմիածնում կատարվելու են հետեւյալ աշխատանքները՝
Էջմիածին քաղաքի Բաղրամյան փողոցի ասֆալտապատում
Բաղրամյան փողոցի մայթերի հիմնանորոգում՝ սալիկապատմամբ
Սբ. Մովսես Խորենացի փողոցի հիմնանորոգում (ջրահեռացման համակարգի կառուցում, ասֆալտապատում)
Արամ Մանուկյան 2-րդ թաղամասի կոյուղու կառուցում