ՄԵԿՆԱՐԿԵՑ «ՓՈՔՐԻԿ ՔԱՅԼ» ՀԱՄԱՊԵՏԱԿԱՆ ԵՐԱԺՇՏԱԿԱՆ ՄՐՑՈՒՅԹ-ՓԱՌԱՏՈՆԸ

Մշակույթ
04.05.2021

Էջմիածնի Մակար Եկմալյանի անվան թիվ մեկ երաժշտական դպրոցում մեկնարկեց "Փոքրիկ-քայլ" մանկապատանեկան երաժշտական համապետական մրցույթ-փառատոնը։ Այս տարի մրցույթը կայացավ երկրորդ անգամ։
Առաջին անգամ մրցույթը կայացել է 2019 թվականին, ընդգրկել` Արմավիրի, Արարատի եւ Արագածոտնի մարզերը։ Նախորդ տարի փառատոնը չեղարկվել էր` պայմանավորված կորոնավիրուսի համավարկով։ Իսկ այս տարի մրցույթի մասնակիցները բոլոր մարզերից եւ Արցախից են։
Երեխաների թվով մրցույթն աննախադեպ է. 1400 մասնակից կկատարեն ավելի քան 700 երաժշտական համար։

Ժյուրիի կազմը բաշխված է ըստ անվանակարգերի: «Ակադեմիական վոկալ»-ի ժյուրիի կազմում ընդգրված են խմբավար, օպերային֊սիմֆոնիկ դիրիժոր Ռադիկ Մելիքյանը, օպերային երգչուհի Ռեբեկա Օջախյանը, Հայաստանի Հանրապետության վաստակավոր արտիստ, Երևանի պետական կոնսերվատորիայի դասախոս Հասմիկ Հացագործյանը, Ժյուրիի նախագահն է Հայաստանի Հանրապետության վաստակավոր արտիստ, օպերային երգչուհի Հասմիկ Պապյանը:

Մրցույթ փառատոնը տեւելու է մինչև մայիսի 20֊ը։

Լուսանկարներ

Տեսանյութ

Նորություններ