ՔԱՂԱՔՈՒՄ ԳՈՐԾՈՂ ԳՐԵԹԵ ԲՈԼՈՐ ՊԱՐԱԽՄԲԵՐԸ ՆԵՐԿԱՅԱՑԱՆ ՄԵԿ ԲԵՄԻՑ
ՄշակույթԷջմիածնում գործող գրեթե բոլոր պարախմբերը հանդես եկան համատեղ ելույթով՝ շնորհավորելով կանանց տոները։
«Օրդակյան» պարի դպրոցի եւ «Արմֆայթինգ Էջմիածին» մարզական ակումբի նախաձեռնությամբ, Էջմիածնի քաղաքապետարանի աջակցությամբ Կոմիտասի անվան մշակույթի պալատից քաղաքում գործող պարի դպրոցների աշակերտները արվեստի եւ էմոցիաների լեզվով շնորհավորեցին կանանց եւ աղջիկների մեկամսյակը։
Գաղափարի համահեղինակ Պետրոս Օրդակյանը նշում է․ «Սա ոչ միայն սովորական համերգ է, որ նվիրում ենք մայրերի եւ կանանց տոնին, այլ նաեւ համագործակցության յուրովի ընթացք է, որից կարող են նոր գաղափարներ ծնվել»։
Համերգի ամենահուզիչ պահերից էր «Զանգակ» երգի ստուդիայի առաջին բեմելը՝ խմբի հիմնադիր-ղեկավար Ծովինար Հարությունյանի մահից հետո։
Քաղաքապետ Դիանա Գասպարյանը, շնորհակալություն հայտնելով ծրագրի հեղինակներին, պարուսույցներին եւ աշանկերտներին, նկատեց, որ արվեստն է այն ուժը, որ մեզ օգնում է ապրել։ Արվեստի եւ մշակույթի միջոցով մենք պետք է փոխենք մեր տրամադրվածությունը, կարոողանանք առաջ շարժվել։
Համերգն իր տեսակով առաջինն էր, բայց կազմակերպիչները հույս են հայտնում, որ այսօրինակ համագործակցությունը լինելու է շարունական եւ ելույթները կրելու են պարբերական բնույթ։
Լուսանկարներ
