ԷՋՄԻԱԾԻՆ ՀԱՄԱՅՆՔԻ ՂԵԿԱՎԱՐԻ ՊԱՇՏՈՆԱԿԱՏԱՐ ԴԻԱՆԱ ԳԱՍՊԱՐՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ԱՐՑԱԽԻ ՀԱՆՐԱՊԵՏՈՒԹՅԱՆ ՕՐՎԱ ԱՌԹԻՎ

Տոներ և հիշատակի օրեր
02.09.2018

Շնորհավորում եմ անկախ ու հպարտ Արցախի ժողովրդին, հայ ազգին Արցախի Հանրապետության օրվա առթիվ:
Հանուն ազատության մղած պայքարի ընթացքում Արցախի անկախության նվաճումը հայոց պատմության մեծագույն ձեռքբերումներից է, որը հնարավոր դարձավ հայ ժողովրդի հաստատուն կամքի դրսևորման շնորհիվ: Այս 27 տարիների ընթացքում Արցախն ապացուցեց իր կենսունակությունը` հանդիսանալով հայության միասնության խորհրդանիշ:
Առանձնահատուկ շնորհավորում եմ Էջմիածնի քույր քաղաքներ Հադրութի եւ Մարտակերտի բնակչությանը: Կարևորում եմ մեր քաղաքների միջև առկա բարեկամական կապը և վստահեցնում, որ իմ անմիջական մասնակցությունը կունենամ համատեղ ծրագրերի իրագործման հարցում:
Տոնական օրվա շնորհավորանքի հետ մեկտեղ` մաղթում եմ խաղաղություն և բարեկեցություն:
Կեցցե ՛ ազատ Արցախը:

Հարգանքներով`
Էջմիածին համայնքի
ղեկավարի պաշտոնակատար` Դիանա Գասպարյան

Նորություններ