Էջմիածնում գործող Հայ Միասնության Խաչ ԲՄՀԿ-ի «Ինովացիոն Էթնիկ Մարզային Կենտրոն»-ում բացվեց Ծրագրավորման լաբարատորիա։ Լաբորատորիան հիմնվել է «Երևանից հեռու, աշխարհին մոտ» ծրագրի շրջանակներում, որը ֆինանսավորվում է «Ամքոր Հայաստան» բարեգործական հիմնադրամի կողմից: Նպատակն է նպաստել Արմավիրի մարզի 15 տարեկան և բարձր 60 երիտասարդների մասնագիտական կարողությունների զարգացմանը: Ըստ ծրագրի պատասխանատուների՝ ծրագիրը կնպաստի նաև շուրջ 600 անձի մոտ բարձրացնել իրազեկվածությունը տեղեկատվության և հաղորդակցման Տեխնոլոգիաների ոլորտում։
Ինովացիոն Էթնիկ Մարզային Կենտրոնի ինժեներական լաբորատորիայում 2016 թվակաինց մինչ օրս անվճար կրթություն է ստացել 10-13 տարեկան 210 երեխա, իսկ ծրագրավորման և գրաֆիկական ծրագրերի ոլորտում՝ 15-35 տարեկան 60 անձ: Իսկ նոր լաբորատորիայում ապագա ծրագրավորողներին կսովորեցնեն Python ծրագրավորման լեզուն, HTML5 վեբ–դիզայնի լեզուն, ձեռք կբերեն MySQL տվյալների բազաների կառավարման համակարգի հետ աշխատելու և մի շարք այլ հմտություններ:

Տեսանյութ