Հարգելի՛ համաքաղաքացիներ, սիրելի՛ հայրենակիցներ,
Շնորհավորում եմ ձեզ պետական այս նշանակալի տոնի` ՀՀ Սահմանադրության օրվա առթիվ:
Սահմանադրությունը պարզապես գրավոր փաստաթուղթ չէ. այն գաղափար է, սկզբունք է, արժեք է, ազատ ու ժողովրդավարական հասարակություն, սոցիալական ու իրավական պետություն ունենալու հիմքը: Տոնը հավասարաչափ և՛ պետությանն է, և՛ քաղաքացունը, քանզի հենց Սահմանադրությամբ են երաշխավորվում քաղաքացու իրավունքներն ու հիմնարար ազատությունները։
Անկեղծ ցանկությունս է, որ յուրաքանչյուրս խորհենք ու գիտակցենք, որ պարտավոր ենք հարգել մեր Մայր օրենքը, պարտավոր ենք դրան վերաբերվել որպես սրբության սրբոցի, քանզի միայն այս դեպքում կկառուցենք բոլորիս երազած պետությունը, քաղաքը, հասարակությունը:

Կրկին անգամ շնորհավորելով բոլորիս այս կարևորագույն պետական տոնի առթիվ՝ մաղթում եմ, որ Սահմանադրությունն ամեն օր իրացվի անշեղորեն՝ որպես կայացած հասարակության փարոս, քաղաքակիրթ ու բարեկեցիկ ապրելակերպի երաշխավոր:

Հարգանքներով`
Էջմիածին համայնքի ղեկավար` Դիանա Գասպարյան