Ստեփանակերտի Ստեփան Շահումյանի անվան հանրապետական մարզադաշտում հանդիսավոր արարողությամբ մեկնարկեց Համահայկական ամառային 7-րդ խաղերը: Ջահը վառելու պատիվը վեռրապահված էր Օլիմպիական չեմպիոն Հրաչյա Պետիկյանին, Արցախի թեմի առաջնորդ Պարգև Սրբազանին ու Համահայկական խաղերի գործկոմի փոխնախագահ Ալբերտ Բոյաջյանին:
Էջմիածնեցի մարզիկները խաղերին մասնակցություն կունենան բազկամարտ, սպորտային պարեր, շախմատ, ֆուտբոլ, վոլեյբոլ և թենիս մարզաձևերում:
Խաղերին ընդհանուր թվով մասնակցում են 35 երկրի 161 քաղաքից ավելի քան 5300 մարզիկ:
Համահայկական խաղերի փակման հանդիսավոր արարողությունը տեղի կունենա օգոստոսի 17-ին՝ Երևանի Ազատության հրապարակում:
Համայկական առաջին խաղերը տեղի են ունեցել 1999 թվականի օգոստոսի 28-ից սեպտեմբերի 5-ը՝ Երևանում: Խաղերին մասնակցել են 23 երկրի 63 քաղաքի 1141 մարզիկ-մարզուհիներ, որոնցից 529-ը Հայաստանից, 612-ը՝ Սփյուռքից:
Խաղերի աշխարհագրությունը և մարզաձևերի քանակը տարեցտարի ընդլայնվում է:

Լուսանկարներ