Էջմիածնի մանկապարտեզները պետք է լինեն հիմնանորոգված և բոլոր ստանդարտներին համապատասխան: Ահա այս նպատակին հասնելու համար հիմնանորոգման աշխատանքներ են կատարվում միաժամանակ մի քանի մանկապարտեզներում:
Էջմիածնի քաղաքապետարանի թիվ 13 մանկապարտեզում ընթանում են հիմնանորոգման աշխատանքներ: Հիմնանորոգվում է չշահագործվող 2-րդ մասնաշենքի 3 խմբասենյակ: Ըստ նախատեսվածի, շնորհիվ նոր բացվող խմբասենյակների, արդեն աշնանը հնարավոր կլինի մանկապարտեզ ընդունել կրտսեր և միջին խմբերի ավելի մեծ թվով փոքրիկների:
Ազգային պատկերասրահի Էջմիածնի մասնաճյուղ Մհեր Աբեղյան թանգարանում նշվեց Հայաստանի ժողովրդական նկարչի ծննդյան 110-ամյակը: Օրվա առթիվ ցուցադրության էին դրվել Մհեր Աբեղյանի նկարազարդումները կատարված Հովհաննես Թումանյանի «Ախթամար» պոեմի հիման վրա:
Էջմիածնի Կոմիտասի անվան մշակույթի պալատում գործող «Զանգակ» երգի ստուդիան ճանաչվել է տարվա լավագույն վոկալ խումբ: Մրցանակը խմբին տրվել է «Handes Awards 2018» մրցանակաբաշխության շրջանակներում:
Էջմիածնի քաղաքապետարանի ենթակայության երաժշտական դպրոցներում կայացան տարեմուտի տոնական համերգներ: Դաշնամուրային, լարային, հարվածային, փողային գործիքների և վոկալ կատարումներով հանդես եկան տարբեր դասարաններում սովորող սաները: Հնչեցին հայ և արտասահմանյան հայտնի կոմպոզիտորների ստեղծագործություններ:
822
8-02-2019, 15:09
