Երկրապահ կամավորականների միության Էջմիածնի տարածքային բաժանմունքը մշտական ուշադրության կենտրոնում է պահում ԵԿՄ սոցիալապես անապահով ընտանիքներին: Ամեն տարի թե Ամանորին, թե ստեղծված տարբեր առիթների ժամանակ հնարավորության սահմաններում օգնում է նրանց: Եվ ըստ ավանդույթի, այս տարի եւս տարածքային բաժանմունքի նախագահ Կարեն Գրիգորյանի նախաձեռնությամբ տարվա այս եղանակին սոցիալապես անապահով ընտանիքներին հատկացվեց վառելափայտ:
Էջմիածնի քաղաքապետարանը արդեն մի քանի տարի է` սոցիալապես անապահով ընտանիքներին ձմռան այս ամիսներին ապահովում է վառելափայտով: Եվ, ինչպես ամեն տարի, այս տարի եւս սոցիալապես անապահով ընտանիքնրի ցուցակագրում է կատարվել, որի շրջանակներում էլ սկսվել է վառելափայտի բաշխումը: Վառելափայտի բաշխումը կշարունակվի մինչեւ հունվար ամիսը: Քաղաքապետարանի ֆինանսական բաժնից տեղեկացանք, որ այստեղ մոտ 7 մլն. դրամի վառելափայտ է ձեռք բերվել բնակիչներին հատկացնելու համար:
6-12-2012, 12:55
