Բաժիններ

Դիտեք եթերում

Մենք սոցիալական կայքերում




Հարցում


Ո՞ր ոլորտի զարգացումն է առաջնային Էջմիածնի քաղաքային տնտեսության համար:

Էջմիածնի քարտեզը


Դիտել ավելի մեծ քարտեզ


Հաշվետվություն. Պատերազմի ընթացքում համայնքապետարանի ծավալած գործունեությունը

Ավելացվել է: 26-11-2020, 17:06 | Հեղինակ: Admin-info | Դիտումներ: 131 |
Հաշվետվություն. Պատերազմի ընթացքում համայնքապետարանի ծավալած գործունեությունը
Սեպտեմբերի 27-ից մինչ այսօր Էջմիածնի քաղաքային իշխանությունն իր ողջ ռեսուրսներով լծվել է Հայրենիքի պաշտպանությանն ուղղված եւ ռազմական դրությունից բխող անհրաժեշտ գործողություններին՝ թիկունքում աշխատելով համախմբված եւ կազմակերպված: Այս հրապարակմամբ ամփոփ կներկայացնենք կատարված աշխատանքը:
Արցախին ու Պաշտպանության բանակին աջակցելու նպատակով Էջմիածնի քաղաքապետարանում սեպտեմբերի 28-ից ձեւավորվել է օպերատիվ արձագանքման շտաբ՝ 24-ժամյա աշխատանքային գրաֆիկով, որը զբաղվել է Արցախից եկած քաղաքացիների գրանցմամբ եւ աջակցությամբ: Էջմիածնում մինչ օրս գրանցվել է 2065 արցախցի:
Էջմիածնի քաղաքապետարանում հավաքագրվել են անհրաժեշտ պարեն եւ պարագաներ՝ ՀՀ պաշտպանության նախարարության հետ համաձայնեցված:
Քաղաքապետարանն օպերատիվորեն կազմակերպել է ապրանքների տեղափոխումն Արցախ։ Պատերազմի օրերին Արցախ է ուղեւորվել անհրաժեշտ պարենով եւ իրերով բեռնված 37 բեռնատար:
Պատերազմի օրերին, ներքին տեղաշարժը հաշված, մեր քաղաքում ապաստանել են մոտ 1700 արցախցի՝ ավելի քան 250 ընտանիք: Այս ընթացքում Կառավարության, անհատների, գործարար-բարերարների եւ կազմակերպությունների օգնությամբ կարողացել ենք այս ընտանիքներին ապահովել սնունդով, անհրաժեշտ հագուստով, հիգիենայի պարագաներով եւ այլ անհրաժեշտ իրերով: Մեծ մասին ապահովել ենք նաեւ կացարանով:
Սննդի մատակարարումը Էջմիածնում ապաստանած ընտանիքներին կատարվում է 10 օրվա պարբերականությամբ:
Էջմիածնի քաղաքապետարանը կազմակերպել է Արցախ վերադառնալու ցանկություն հայտնած ընտանիքներին անվճար ԱՀ մայրաքաղաք Ստեփանակերտ ուղեւորելու գործընթաց: Մինչ այս պահը Էջմիածնից Ստեփանակերտ է ուղեւորվել շուրջ 300 արցախցի:
Էջմիածնի քաղաքապետարանի Եղ. Թադեւոսյանի անվան գեղարվեստի դպրոցի, Արմֆայթինգ Էջմիածին մարզական ակումբի եւ Համլետ Պատուրյանի անվան մարզադպրոցի սաները կազմակերպել են բարեգործական ցուցահանդես-վաճառք, որից ստացված ողջ՝ 1․530․201 (Մեկ միլիոն հինգ հարյուր երեսուն հազար երկու հարյուր) դրամ հասույթը փոխանցվել է Հայաստան Համահայկական հիմնադրամի «Մենք ենք, մեր սահմանները. բոլորս Արցախի համար» խորագրով դրամահավաք արշավին:
Էջմիածին համայնքի կողմից Պաշտպանության բանակին է նվիրաբերվել 2012 թվականի արտադրության UAZ HUNTER ամենագնաց եւ երկու Վիլիս մակնիշի մեքենա, որոնք ձեռք էին բերվել էջմիածնեցի գործարար Մանվել Հովհաննիսյանի միջոցներով:
Շնորհակալություն ենք հայտնում բոլոր անհատներին, կազմակերպություններին եւ հաստատություններին, որոնք այս օրերին Էջմիածնի քաղաքապետարանի հետ համագործակցելով զինված ուժերի եւ արցախցիների կարիքների համար նվիրաբերել են տարբեր իրեր, սննդամթերք, դեղորայք եւ հիգիենայի պարագաներ:



Հաշվետվություն. Պատերազմի ընթացքում համայնքապետարանի ծավալած գործունեությունը
Հաշվետվություն. Պատերազմի ընթացքում համայնքապետարանի ծավալած գործունեությունը
Հաշվետվություն. Պատերազմի ընթացքում համայնքապետարանի ծավալած գործունեությունը
Հաշվետվություն. Պատերազմի ընթացքում համայնքապետարանի ծավալած գործունեությունը

Ավելացնել մեկնաբանություն


Ձեր անունը:
Ձեր էլ.փոստը:
գաղտնաբառ:
թարմացրեք եթե չեք տեսնում գաղտնաբառը
Մուտքագրեք: