Դիտեք եթերում

Մենք սոցիալական կայքերում




Հարցում


Ո՞ր ոլորտի զարգացումն է առաջնային Էջմիածնի քաղաքային տնտեսության համար:

Էջմիածնի քարտեզը


Դիտել ավելի մեծ քարտեզ


Հաշվետու միջոցառումներ Էջմիածնի արտադրոցական հաստատություններում

Ավելացվել է: 11-06-2019, 15:32 | Հեղինակ: Admin-info | Դիտումներ: 793 |
Հաշվետու միջոցառումներ Էջմիածնի արտադրոցական հաստատություններում
Էջմիածնի քաղաքապետարանի ենթակայության արտադպրոցական հաստատությունների սաները 2018-2019 ուսումնական տարին ամփոփեցին հաշվետու համերգներով և ցուցահանդեսով։ Տարեվերջյան հաշվետու միջոցառումները մեկ տարվա առաջընթացի և ստացած գիտելիքների ու հմտությունների յուրօրինակ ցուցադրություն է:
Եղիշե Թադևոսյանի անվան գեղարվեստի դպրոցի սաները ցուցահանդեսով ներկայացրել էին տարվա ընթացքում կատարած բազմաթիվ և բազմաժանր աշխատանքները` ուսուցանվող բոլոր բաժիններից: Ներկայացված էր գեղանկարչություն, գծանկար, կոմպոզիցիա, քանդակ, գոբելեն, մաքրամե, գորգագործություն և բատիկա: Հաշվետու ցուցահանդեսը խորհրդանշական էր հատկապես ավարտականների համար։
Քաղաքապետ Դիանա Գասպարյանը շնորհավորեց սաներին հերթական ուսումնական տարվա բարեհաջող ավարտի կապակցությամբ և ավարտականներին վկայականներ հանձնեց:
Միջոցառման պաշտոնական մասից հետո արվեստասեր այցելուները շրջեցին և ծանոթացան դպրոցի սաների աշխատանքներին:
Հաշվետու գեղեցիկ համերգային ծրագիր էին պատրաստել Էջմիածնում գործող երաժշտական դպրոցները։ Բազմաժանր կատարումներով հանդիսատեսի համար ելույթ ունեցան տարբեր դասարաններում սովորող երեխաները՝ դաշնամուրային, լարային, հարվածային եւ փողային գործիքների, ինչպես նաեւ՝ վոկալ կատարումներով:
Արտադպրոցական հաստատություններ հաճախող սաները հերթական ուսումնական տարին ավարտեցին լրացված գիտելիքներով, հմտություններով ու նաև ձեռքբերումներով։ Ողջ տարվա ընթացքում Էջմիածնում գործող մշակութային օջախների սաները մասնակցել են տարբեր փառատոների և մրցույթների, արժանացել պատվավոր մրցանակների։



Ավելացնել մեկնաբանություն


Ձեր անունը:
Ձեր էլ.փոստը:
գաղտնաբառ:
թարմացրեք եթե չեք տեսնում գաղտնաբառը
Մուտքագրեք: