Դիտեք եթերում

Մենք սոցիալական կայքերում




Հարցում


Ո՞ր ոլորտի զարգացումն է առաջնային Էջմիածնի քաղաքային տնտեսության համար:

Էջմիածնի քարտեզը


Դիտել ավելի մեծ քարտեզ


Էջմիածին համայնքի ղեկավար Դիանա Գասպարյանի շնորհավորական ուղերձը Մայիսյան տոների առթիվ

Ավելացվել է: 9-05-2019, 13:30 | Հեղինակ: Admin-info | Դիտումներ: 249 |
Էջմիածին համայնքի ղեկավար Դիանա Գասպարյանի շնորհավորական ուղերձը Մայիսյան տոների առթիվ
Հարգելի՛ համաքաղաքացիներ

Շնորհավորում եմ Ձեզ մայիսի 9-ի՝ Հաղթանակի տոնի, Արցախի Հանրապետության պաշտպանության բանակի ստեղծման և Շուշիի ազատագրման օրվա առթիվ:

Մայիսը հայ ժողովրդի հաղթանակի ամիսն է, որն իր մեջ խտացնում է հայ ազգի մի քանի սերունդների հայրենասիրությունն ու խիզախությունը, անսասան կամքն ու անմնացորդ նվիրումը մեր ազգային գաղափարներին ու շահերին:

Անմոռանալի է մեր պապերի ու հայրերի սխրագործությունը Հայրենական մեծ պատերազմի տարիներին: Մյուս ժողովուրդների հետ պայքարելով դարի չարիքի` ֆաշիզմի դեմ, նրանք կործանումից փրկեցին համայն մարդկությանը:

Տարիներ անց Մայիսի 9-ը մեր ժողովրդի համար վերաիմաստավորվեց Շուշիի պատմական ազատագրմամբ և պաշտպանության բանակի կազմավորմամբ: Այդ հաղթանակը մեր ժողովրդի միասնության ու համախմբվածության արգասիքն էր, ժողովուրդ, որը կարողացավ բռունցքվել օրհասական պահին և պաշտպանել իր ազատությունն ու անկախությունը:

Այսօր նաև հարգանքի և երախտագիտության տուրքի մատուցման օր է բոլոր նրանց, ովքեր իրենց կյանքի գնով կերտեցին այս հաղթանակները Մեծ հայրենականում, Արցախյան գոյամարտում, Ապրիլյան քառօրյա պատերազմում, բոլոր նրանց, ովքեր անձնվիրաբար ծառայել ու շարունակում են ծառայել մեր ժողովրդին:

Համոզված եմ, որ գալիք սերունդները, ոգեշնչված իրենց պապերի ու հայրերի սխրանքներով, կշարունակեն կերտել հզոր ու ամուր հայրենիք:

Սիրելի´ հայրենակիցներ,

Կրկին շնորհավորում եմ բոլորիս այս պատմական տոնի առթիվ՝ մաղթելով խաղաղ երկինք, նորանոր հաղթանակներ ու ձեռքբերումներ:

Հարգանքներով՝
Էջմիածին համայնքի ղեկավար՝ Դիանա Գասպարյան

Ավելացնել մեկնաբանություն


Ձեր անունը:
Ձեր էլ.փոստը:
գաղտնաբառ:
թարմացրեք եթե չեք տեսնում գաղտնաբառը
Մուտքագրեք: