Դիտեք եթերում

Մենք սոցիալական կայքերում




Հարցում


Ո՞ր ոլորտի զարգացումն է առաջնային Էջմիածնի քաղաքային տնտեսության համար:

Էջմիածնի քարտեզը


Դիտել ավելի մեծ քարտեզ


Ձեռագործ աշխատանքների ցուցադրություն Էջմիածնի պատմաազգագրական թանգարանում

Ավելացվել է: 23-03-2018, 10:59 | Հեղինակ: Admin-info | Դիտումներ: 320 |
Ձեռագործ աշխատանքների ցուցադրություն Էջմիածնի պատմաազգագրական թանգարանում
Հայկական ասեղնագործությունը ժողովրդական ստեղծագործության հին եւ հարուստ բնագավառներից մեկն է: Պեղումների շնորհիվ հայտնաբերված զարդարված ասեղնագործ հագուստի տեսակները վկայում են,որ ասեղնագործությունը հին աշխարհի սիրած զբաղմունքներից մեկն է եղել: Կիրառվել է հագուստը, կենցաղը, առարկաները զարդարելու, դեկորատիվ պաննոներ ստեղծելու համար:
69-ամյա Մարիետա Բալյանը հպարտորեն նշում է, որ ասեղնագործությունն իր գենի մեջ է: Այս արվեստի հմտություններին իրեն ծանոթացրել են տատիկն ու մայրիկը: Արժեքավոր նմուշներ արդեն իսկ ինքնուրույն ստեղծել է 11 տարեկանից, ստեղծագործում է մինչ այսօր:
Էջմիածնի պատմաազգագարական թանգարանում կանանց միամսյակի առթիվ ցուցադրված են ասեղնագործության գեղեցիկ նմուշներ: Ցուցադրված են նաեւ Մարիետա Բալյանի 18 տարեկանում արված ասղենագործությունները: Տիկին Մարիետան մեծ հպարտությամբ նաեւ մատնացույց է անում ցուցանմուշներում առկա իր մայրիկի աշխատանքը:
Թանգարանի տնօրեն, հնէաբան Անժելա Թադեւոսյանի փոխանցմամբ` հայկական ասեղնագործ ժանյակն ինքնատիպ է եւ տարբերվում է այլ ժողովուրդների նույնանման ստեղծագործություններից: Այն առանձնանում է կատարման եղանակով, զարդանախշերով, հորինվածքով: Թանգարանում ներկայացված են ասեղնագործության եւ´ կտորի վրա կատարվող, եւ´ թելքաշ կտրտովի ասեղնագործություն: Նմուշները կցուցադրվեն մինչեւ ապրիլի 7-ը:


Ավելացնել մեկնաբանություն


Ձեր անունը:
Ձեր էլ.փոստը:
գաղտնաբառ:
թարմացրեք եթե չեք տեսնում գաղտնաբառը
Մուտքագրեք: